YDG Cymru
Mae YDG Cymru yn dwyn ynghyd arbenigwyr byd-enwog ym maes gwyddor data, academyddion blaenllaw a thimau arbenigol Llywodraeth Cymru i gynhyrchu tystiolaeth a fydd yn llywio penderfyniadau polisi yng Nghymru yn y dyfodol. Mae’r bartneriaeth mewn sefyllfa berffaith i fanteisio i’r eithaf ar ddefnyddioldeb data dienw a diogel i lywio’r ffordd y darperir gwasanaethau cyhoeddus a fydd, yn y pen draw, yn gwella bywydau pobl yng Nghymru.
This content is also available in English
Mae YDG Cymru yn uno arbenigwyr ym mhob maes o Ysgol Feddygaeth Prifysgol Abertawe a Sefydliad Ymchwil, Data a Methodoleg Gymdeithasol ac Economaidd Cymru (WISERD) ym Mhrifysgol Caerdydd ag ystadegwyr, economegwyr ac ymchwilwyr cymdeithasol o Lywodraeth Cymru. Mae’r technegau dadansoddi data o’r radd flaenaf a’r rhagoriaeth ymchwil a ddatblygwyd, ynghyd â’r Gronfa Ddata SAIL fyd-enwog, yn caniatáu ar gyfer darparu ymchwil gadarn, ddiogel ac addysgiadol.
Nod y data sy’n cael ei gysylltu a’i ddadansoddi gan YDG Cymru yw mynd i’r afael â meysydd blaenoriaeth ar gyfer gweithredu yng Nghymru, fel y’u hamlygir yn strategaeth genedlaethol Ffyniant i Bawb Llywodraeth Cymru. Bydd y blynyddoedd cynnar, tai, gofal cymdeithasol, iechyd meddwl, llesiant, sgiliau a chyflogaeth wrth wraidd gwaith y bartneriaeth, yn ogystal â blaenoriaethau’r llywodraeth sy’n dod i’r amlwg, fel datgarboneiddio.
Bydd gwaith YDG Cymru yn galluogi Llywodraeth Cymru i ddeall llawer mwy am y berthynas rhwng gwahanol feysydd darparu gwasanaeth – er enghraifft, y cysylltiad rhwng iechyd a thai – ac i ddeall profiadau pobl yn well wrth iddynt symud trwy wahanol wasanaethau. Bydd hyn, yn ei dro, yn hwyluso’r broses o ddatblygu polisi sydd wedi’i integreiddio’n well i gynorthwyo cenedlaethau’r dyfodol.
Mae YDG Cymru yn ychwanegu at hanes o ddefnyddio dulliau a seilwaith arloesol i gysylltu a dadansoddi data dienw yn ddiogel. Mae dadansoddiadau blaenorol wedi cyfrannu at waith datblygu, monitro a gwerthuso ymyriadau polisi Llywodraeth Cymru. Mae hyn yn cynnwys yr adroddiadau canlynol: Tlodi Tanwydd, cymorth digartrefedd Cefnogi Pobl a’r datblygiad blynyddoedd cynnar Dechrau’n Deg.
Ariennir YDG Cymru yn uniongyrchol am gyfnod cychwynnol o dair blynedd rhwng Gorffennaf 2018 a Gorffennaf 2021 gan y Cyngor Ymchwil Economaidd a Chymdeithasol (ESRC) gyda chyfran bwrpasol o’r cyfanswm o £44 miliwn wedi fuddsoddi yn YDG DU. Am fwy o wybodaeth am sut Ariennir YDG DU, gweler Amdanom Ni. Gellir gweld mwy o fanylion am y grant a ddyfarnwyd ar Porth i Ymchwil y DU (UKRI) platfform Ymchwil ac Arloesi.
ADR Wales News
-
Cost bersonol cyflyrau iechyd yn ystod plentyndod: Dull newydd o ddefnyddio setiau data clefyd-benodol
17 February 2021
Mae Robert French o Brifysgol Caerdydd yn trafod sut y bydd prosiect newydd sy'n galluogi cysylltu data iechyd clefyd-benodol â data addysg ar gyfer Cymru a Lloegr yn gwella'r cyfle ar gyfer ymchwil i’r cysylltiadau rhwng mesurau addysgol ac iechyd.
Read more
-
Mae ADR UK yn ariannu prosiect ymchwil ynghylch data arloesol i wella bywydau a chynhyrchiant ffermwyr ledled y DU
6 October 2020
Mae ADR UK heddiw (6 Hydref 2020) wedi cyhoeddi grant o bron i £600,000 i harneisio potensial data gweinyddol er mwyn deall nodweddion aelwydydd fferm.
Read more
ADR Wales Partners
Find out more
If you are a Welsh data holder or policy maker interested in how ADR Wales can help increase the utility of your data and support your decision making priorities, please get in touch with the ADR Wales team.